الـــورد مــــن بــــاس خـــدك

بيك مدري شبيك خايف ما اكول

گلت مرة وگلبي حسيته انذهل

گبل چان النحل دايخ بالرحيق

شاف خدك خدد سنين النحل

چان يصنع عسل وتبين غشيم

من شاف عله خدك مو عسل طرگاعه نزل

حللوا ذاك شفه لتسعين داء

والعلى شفافك شفه لكل العلل

مرة اذكر طفت عدنه الكهرباء

صاحوا اللهم صلي العسل منك نزل

اشتعل ذاك الصوب من شافك اجيت

وهذا الصوب جد جده اشتعل

جمع شعرك طوگ ماشوفنه طوگ

بس هدية الطوگ يمكن من زحل

خايب عله الزعل ياهو العلماك

وهو هم يلوگ لعيونك زعل؟