منتديات عراق الابداع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات عراق الابداع
الرئيسية
البوابة
أحدث الصور
التسجيل
دخول
منتديات عراق الابداع
::
المنتديات الادبية
::
منتدى القصص والروايات
أبد مو چذاب
كاتب الموضوع
رسالة
_BAGHDAD_MY_LOVE_
عضو مجتهد
عدد الرسائل
:
115
العمر
:
38
العمل/الترفيه
:
اعمال حرة
المزاج
:
برتقالي على نركيلة مال بطيخ
تاريخ التسجيل :
27/02/2009
موضوع: أبد مو چذاب
الجمعة مارس 13, 2009 2:05 am
كلكم إتعرفون الحرب العالميه الثانيه تقريبا بالـ (1935).. آني چان بوكتها عمري 16سنه... المهم گاعد بالبيت دا العب بلي ستيشن 2.. دگ الموبايل مالتي (اي لا تتعجبون.. اني من ذاك الوكت عندي موبايل)
اي اكمللكم.. دگ الموبايل.. جنت حاط نغمة مال هيفاء (بوس الواوا).. شلته.. طلع (رئيس الجمهوريه مال روسيا).. گلي: وليدي.. آسفين على الازعاج بس الوضعيه حيل عاوية.. والجيش نصه راح بالزلك.. محتاجيك حيل.
آني صفنت.. إتذكرت أيام الطفوله.. مِن چنت ألعب دعابل بروسيا ويه إبن الوزير.
گتله والله عمو... إبطن عيني.. هسه بس أفوّل المولده التايگر للبيت.. وأجيكم
والله ترست المولدة.. وچيـّـكت الدهن.. وأخذت البايسكل مالتي.. ذبيته (d).. وقبـّـطت سكليتر.. وين؟؟.. على الخط السريع مال (حله- كربلاء).. ومناك گلت آخذ يمنه على روسيا... والله نص ساعه اني بنص موسكو.. بس شحچيلكم!!.. باردة ثلج.
شغلت التدفئة مال البايسكل و صعّدت الجامات... والله گلتلهم وين بيت رئيس الجمهوريه؟؟.. گلولي بقطـّاع 20 يم مرطبات (علاوي جرثومه)
وصلت.. دگيت الباب.. طلع أبو مصطفى (إبن الرئيس الروسي إسمه مصطفى لأن مرته من الديوانيه).. خطيه الرجال حالته جانت زفت.. حضنـّي.. وگلي الله جابك.. گتله خير عمو؟؟.. گال هيچ وهيچ السالفه.. والالمان طبوا بينه گول.. گتله عمو.. صدگ چذب.. اني موجود وهيچ يصير!!!
اني رايح.. منا ليومين ان شاء الله تسمع خير
طلعت رحت على ولد أعرفه بروسيا اسمه (قاسم) هذا شقاوه مال بغداد چان وصديقي الروح بالروح.. گتله قسومي هيچ وهيچ الفلم أريد أسلحه.. گلي تدلل شتريد؟؟.. گتله اريد 65 صاروخ (أرض- أرض)..... و34 صاروخ (أرض- مي) اقصد (ارض- جو)..... و 89بي كي سي..... و فد 6784 رمانه يدويه...... و54564 لغم منوع بين مضاد للبشر ومضاد للدبابات
والله حطلياهن بعلاگه.. اخذتهن وعدل وگٍبل للجبهه.. وين؟؟.. بالخطوط الأماميه... ما اجذّب عليكم الوضعيه صدگ چانت داچـّه (يعني تعبانه).. بس اني اخوكم خوما اخاف!!.. لا يابه لا... گلتلهم للجنود انتوا لمـّوا چوالاتكم ورجعوا للبيوتكم.. مالكم علاقه.. السالفه يمي صارت
باوعت يمنه.. يسره.. شحچيلكم بلـ (564674534 جندي ألماني).. وكل واحد راكب دبابة منفيست حديث.. بس اني تعرفوني سبع.
نصبّت الصواريخ على چتفي وصيـّحت... اني إلكم.. طبا طبا.. طاخ طاخ طاخ.. الزگه.. جيبه.. ودي.. الله.. إصلخه.. ألطمه (هاي موسيقه تصويريه).
والله صفيتهم بقوا بس 7 جنود ودبابتين واني باقيلي رمانه وعلچ أبو السهم...... شسويت؟.. لزگت العلچ أبو السهم بالرمانه وشمرتها على الدبابة.. لزگت بيها.. وچان تنفجر.
بقت دبابة وحدة.. ركضت عليها وبيدي قلم أبو النبالات (لحد يگولي منين جبته.. هوه إجه)... والله وبالقلم گطعت السرفه (التايرات مال الدبابه يعني).. وگفت... گـُمزت عالقمارة.. فتحت الباب.. نزّلتهم بيدي.. واخذتهم أسرى.
طبعا وره ما هيچ سويت.. إجه الرئيس الروسي وباسني من راسي وگلي:.. وليدي انته اقوه من گرندايزر والله..
گتله:.. لا عمو ما سويت شي آني.. عادي.. وانطاني هديه سيارة لادا بعدها ما ماشيه بالچيس.. واشترولي بنطرون كتان أصلي من الصين درجة أولى.. وبوتين أديداس أبو العلامة.
رجعت للبيت.. وشغلت المولدة.. وگعدت اتفرج (عدنان ولينا)
أعجبني
لم يعجبني
أبد مو چذاب
صفحة
1
من اصل
1
صلاحيات هذا المنتدى:
لاتستطيع
الرد على المواضيع في هذا المنتدى
منتديات عراق الابداع
::
المنتديات الادبية
::
منتدى القصص والروايات
منتديات عراق الابداع
::
المنتديات الادبية
::
منتدى القصص والروايات
انتقل الى:
اختر منتدى
|
|--المنتديات الدينية
| |--منتدى الصوتيات والمرئيات الاسلامية
| |--منتدى الصور الاسلامية
| |--المنتدى الاسلامي العام
|
|--المنتديات العامة
| |--منتدى الصور
| |--منتدى الترحيب بالاعضاء الجدد
| |--منتدى الحوار والنقاشات الجادة
| |--المنتدى العام
|
|--المنتديات الادبية
| |--منتدى الشعر الشعبي
| |--منتدى الشعر الفصيح والخواطر
| |--منتدى الصوتيات الشعرية
| |--منتدى القصص والروايات
|
|--منتديات برامج الحاسوب والانترنيت
| |--منتدى برامج الكم فروج
| |--منتدى الانتي فايروس والحماية من الهكر
| |--منتدى برامج الحاسوب الخدمية والانترنيت
|
|--منتديات الاغاني
| |--منتدى الاغاني العراقية
| |--منتدى الاغاني العربية
| |--منتدى الاغاني الغربية
|
|--المنتديات الرياضية
| |--منتدى الصور الرياضية
| |--منتدى مقاطع الفيديو الرياضية
| |--منتدى اخبار الرياضه
|
|--المنتديات الترفيهية
| |--منتدى الصوتيات والمرئيات المضحكة
| |--منتدى النكت والروايات الهزلية
| |--منتدى الحشاشة
| |--استراحة المنتدى
| |--منتدى المسابقات
|
|--منتديات العائلة العراقية
| |--منتدى الرجل
| |--منتدى المراة
|
|--المنتديات الادارية
|--منتدى شكاوي الاعضاء
|--منتدى اقتراحات الاعضاء